burger

VİETnıñ sakinlerini devlet bankı qullanımını silmege mecbur eteler: nasıl yañıdan yüklemek mümkün

Опубліковано 17 January 2023 року, о 15:44

Vaqtınca işğal etilgen topraqlarda işğalciler, Ukraina vatandaşlarından öz cep telefonlarından devlet bankları qullanımlarını, şu cümleden Oşçadbankınıñ qullanımını, silmege talap eteler. Luhansk vilâyet arbiy memuriyeti, bu tür vaqialar aqqında haber berdi.

 

Oşçadbank bildirdi ki, bu alda mobil qullanımnı yañıdan yüklemek pek qolaydır. Müşteriniñ öz maliyeviy telefon nomerasına irişimi olmasa, qıyınlıq peyda ola bilir.

 

Bu alda tamam vaqtınca işğal etilgen topraqlardaki müteriler içün Oşçadbank, SMSten Viberge beyanay yollama kanalını deñiştirüv ceryanını meydanğa ketidi. Bu tür müteri, Oşçadbanknıñ resmiy saytında veb alâqa kanalı vastasınen banknıñ alâqa merkezine hitap ete bilir. Verifikatsiya etken soñ onıñ qullanımnı qullanmaq imkânı olacaq.

 

Tafsilâtlı talimatğa diqqatıñıznı celp etemiz:

 

  1. “Mobil Oşçad” yañı qullanımını yükleniñiz ya da açıñız.

 

  1. Eger kiriş yapmaq içün telefon nomerasını kirsetip SMS almasañız, Oşçadbanknıñ saytında “Alâqa” bölügine kirip, “Veb telefonı” ve “Avtorizatsiyasız devam etmek” saylañız. Siz, alâqa merkeziniñ operatorınen bağlanacaqsıñız.

 

  1. Alâqa merkeziniñ operatorınıñ talimatına mücibi, bilgiler bildiriñiz. Bundan soñ bir kerelik parol yollama kanalı deñiştirilecek. Yollama kanalı deñiştirilgeni kün devamında esapqa kirmek kerek.

 

  1. Bundan soñ qullanımğa kirip, “SMS yañıdan yollamaq”qa basıñız ve beyanat Viberge (maliyeviy telefon nomerasına) yollanacaq. Viber qullanımınen qıyınlıqlar olsa, VPN hızmetini qullañız.

 

  1. Yañı qullanımda kelecek operatsiyalarnı irişim kodu, parmaq resmi ya da FaceID vastasınen tasdıqlamaq mümkün. Yañıdan esap açmaq kerekli olsa, Oşçadbanknıñ alaqa merkezine hitap etip, mezkür ceryannı yañıdan yapıñız.