Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukraina Telükesizlik Hızmetiniñ Milliy akademiyasınen işdeşlik memorandumını imzaladı.

Taraflar, ilmiy-analitik ve qaideler yaratıcı-ihtisasiy faaliyet saalarında işdeşligi aqqında ve qazanğanları muvafaqiyetlerni ameliyatta qullanmağa añlaştılar.

Şu cümleden, işğalden azat etilgen topraqlarda tek media strategiyası yaratılacaq; ukrainge qarşı media resursları sicili yaratılacaq; rusiyenen işdeşlik yapqan tış teşkilâtlar cedveli yapılacaq.

Bundan ğayrı, UTHniñ Akademiyası, Reintegratsiya nazirliginiñ “İşğalniñ aqibetlerini yoq etüv aqqında” qanun leyhasını soñuna işlemesi içün ilmiy-ihtisasiy destek etecek.

“Tünevin Nazirlik içün müim bir qarar imzalandı. Çünki akademiyanıñ alimlerinen işdeşligi, em qaideler yaratıcı, em de ameliyatta reintegratsiya siyasetini daa semerli kirsetmege yardımcı olacaqlar. Akademiyağa uquqiy ve ilmiy cebede yardımıñız içün teşekkür bildirmege isteyim”, – dep devlet kâtibi Kırılo Dombrovskıy hulâsa çıqardı.