İşğalden azat etilgen topraqlar mesekekeri koordinatsiya ştabınıñ işi çerçivesinde Reintegratsiya nazirliginiñ vekiliniñ, BMTnıñ İnkişaf programmasınıñ tehnikiy meseleler baş mesleatçısınen bir körüşüvi oldı.

Körüşüv vaqtında BMTnıñ vekili, minasızlaştıruv cihazlı aletllerni almaq ve böyle aletlerniñ operatorlarını azırlamaq içün halqara teşkilât tahminen 4 mln AQŞ dollarını ayıracağını bildirdi. Bundan soñ minasızlaştıruv aletleri, Mıkolayiv vilâyetini patlayıcı şeylerden temizlemek içün qullanılacaq.

Bugün mezkür bölge, keçenlerde işğalden azat etilgen Ukrainanıñ topraqlarından patlayıcı şeylernen eñ kirlengenlerden biridir. Mütehasıslarnıñ bilgilerine köre, deyerli 2614 biñ kvadrat kilometrlik topraq patlamağan patlayıcı şeylernen kirlengen.

Leyhanı yerine ketirmek içün yaqın kelecekte BMTnıñ İPnıñ minağa qarşı faaliyet gruppası Mıkolayiv vilâyetini ziyaret etmege planlaştırır.