Vaqtınca işğal etilgen Qırımda yaşağan ve ukrain kanallarını seyir etmege istegen Ukraina vatandaşları, olarnı seyir etmek içün bir qaç usul qullana bilirler.

Eñ qolay – yoldaş alıcısını avtomatik qıdıruvğa sazlap, istenilgen kanallarnı tapmaq. Eger bu variant semereli olmasa, yoldaş ağlı tarelkanı signal almağa sazlamağa tırışmaq mümkün. Bunı yapmaq içün bölgede ihtisaslı kişige muracaat etmek mümkün.

VPN-hızmetlerini qullanaraq, İnternet vastasınen de ukrain TK seyir etmek mümkün. Ukrain IP-adreslerinden bağlanuv, bedava online telekörüv platformalarında yayınlanğan (Megogo, 1+1 video, YouTV v.i.) esas haberler ve eglendirici ukrain kanallarını bedava olaraq seyir etmege imkân berecek.

Bundan ğayrı VPN, qullanıcınıñ bulunğanı yerni internet-bericiden gizlemege yardım ete.

VPN qullanmaq içün çoq ğayret köstermek kerekmey. Bunı yapmaq içün aşağıdaki adım yapmaq kerek:

1) saylanğan VPN-hızmetiniñ saifesinde esap yaratmaq;

2) qullanımnıñ fayllarını endirmek ve olarnı açqan soñ kiriş yapmaq;

3) VPN qullanımını açmaq ve “Bağlanmaq” dögmesine basmaq. Hızmet, virtual servernen bağlanıp, avtomatik olaraq çalışmağa başlaycaq. Bundan ğayrı, server cedvelinde öz başına ülke saylaya bilirsiñiz;

4) VPN çalışqanda browser qıdırıcı satırında saylanğan ukrain online telekörüv platformasınıñ adını yazmaq kerek.

Ukraina Silâlı Quvetleriniñ Kiber Quvetleri idaresinen beraber ReNazirligi, Atlas-VPN ve EspressVPN hızmetlerine bağlanuv tafsilâtlı talimatını azırladı. Bağlantığa basıp, tafsilâtlı malümat ögrene bilirsiñiz.