Ecnebiy ülkelerniñ topraqlarında azırlanğan ya da tasdıqlanğan vesiqalar Ukrainanıñ toprağında mahsus şeadenamesiz alınır, eger Ukrainanıñ halqara añlaşmalarına mücibi 2022 senesi kiçik aynıñ 24-ünde bu tür ameliyat yapılsa.

Bugün Nazirler Kabinetiniñ oturışında maqbul qarar tasdıqlandı. O, vitse baş nazir İrına Vereşçuk başı olğan Ukraina vatandaşlarını vaqtınca işğal etilgen topraqlardan ve üçünci ülkelerden qaytaruv meseleleri koordinatsiya ştabınıñ işi neticesinde azırlandı.

Bu adım kerekli edi, çünki keçken sene ilk qış ayında rusiye ve belarusnen munasebetlerde halqara İçtimaiy, aile ve cinaiy davalarında uquqiy yardım ve uquqiy munasebetler şartnamesi işlemege bitirdi. Neticesinde şu anda bu eki devletniñ topraqlarında berilgen vesiqalarğa saip olğan Ukraina vatandaşları olarğa apostıl qoymalılar. Yani olar bunı yapmaq içün tecavuzcı bir devetniñ toprağında ketmege mecbur qaldılar, bu da imkânsızdır.

Mezkür qararnen Ükümet: Ukrainada cenk vaziyeti ve ondan daa 6 ay devamında 2022 senesi kiçik aynıñ 24-ünden evel apostılsız alınğan vesiqalar, apostılsız alınacaq.