Varşava konferentsiyasında Ukraina vitse baş naziri İrına Vereşçuk online şeklinde iştirak etti. Bu, Lehistan Ükümetiniñ teşkil etkeni muntazam halqara platformalardan biridir. Konferentsiya, Ukrainanı destek acele meslelerini muzakere etmek maqsadınen, ülkelerniñ ükümetleriniñ, AB ve G7 müessiseleriniñ vekillerini toplar.

Bu kere kün mevzusı, gumanitar qarşılıqqa ve enegretikağa bağışlandı.

“Eger keçken sene ukrai Ükümeti, devlet içinde alınğan kişilerge daa çoq diqqat etti, bu sene ise biz ecnebiy ülkelerdeki ukrainalılarnıñ meselelerini faal olaraq al etecekmiz”, – dep söz aytqanda İrına Vereşçuk bildirdi.

O, cenk vaqtında millionlarca ukrainalığa mesken bergen ortaq ülkelerniñ ükümetlerine açıq göñülden teşekkür bildirdi.

Aynı zamanda alınğan ülkelerde Ukraina vatandaşlarını destek etüv şu anda eksilmemeli. Çünki cenk daa bitmedi, dep memur qayd etti.

İrına Vereşçuk, ecnebiy ülkelerdeki bizim vatandaşlarımıznıñ aktual meselelerini al etmege yardım etecek  aşağıdaki aletler ve usullarnı añlattı:

– birinciden, alınğan ülkelerde ukrainalılarnı destek etüv usullarını unifikatsita etüv; bunı yapmaq içün çoq taraflı ükümetler arası idare qurmaq kerek;

– ekinciden, tamam bu tür yardımğa halqara gumanitar operatorlarnıñ qoşma resurslarını mobilizatsiya etüv.

Vitse baş nazir, ecnebiy ükümetlerni ukrain köçkenlerine bergen tibbiy hızmet meselesine diqqat ayırmağa çağırdı.

“Çoq mesele bar. Amma biz epimiz idare etsek, berecirimiz”, – dep, ortaq ülkelerniñ ükümetleriniñ vekillerine muracaat etkende, qayd etti.

“Ğalebe yaqınlaşqance ukrain Ükümeti, bütün ukrainalılarnı Vatanına qaytarmaq içün uyğun şartlarnı yaratacaq. Amma tamam şu anda başlamaq kerek. Ve biz bunı yapamız”, – dep vitse baş nazir qayd etti.