Bugünden Türkiyede bulunğan ukrainalılar İstanbulda pasport vesiqalarını aluv arizasını bere bilirler. Türk şeerinde “Dokument” (“Vesiqa”) devlet müessisesiniñ ilk ek mobil bölügi çalışmağa başladı.

Ecnebiy ülkelerde ukrain pasportlarını vesiqalaştıruv, vitse baş nazir İrına Vereşçuknıñ başlığınen VİETdan ve üçünci ülkelerden Ukrainağa vatandaşlarnıñ qaytaruv meseleleri idare ştabınıñ kün mevzusıdır.

İstanbulda mobil ofisler şöyle adreslerde yerleşeler: London şossesi E-5, Karayolu, “Aeroport” AVMden parking (Londra Asfaltı E-5 Karayolu Üzeri, Airport AVM, 34158 Bakırköy/İstanbul). Çalışma saatleri: Bazarertesi – Cumaertesi 09:00 – 18:00.

Mında Ukraina vatandaşları aşağıdaki hızmetler ala bilirler:

– ID-kart ya da tış pasport vesiqalaştıruv (şu cümleden coyulğan ya da hırsızlanğan biriniñ yerine);

– ID-kart ya da tış pasport deñiştirüv (müddet bitkeni, bilgiler deñişkeni, qullanılmaz vaziyette olğanı içün);

– 1994 senesi şekli pasportnı ID-kartqa deñiştirüv (istegnen ya da müddet bitse);

– aynı zamanda tış pasport ve ID-kartnı vesiqalatıruv.

Evelden randevu alıp ya da canlı nevbette pasport vesiqalarını aluv arizasını bermek mümkün. Tamam yerinde ödeme yapıla – hızmetlerni online ödeme servisi vasrasınen. Bunı yapmaq içün yanında tek cep telefon ve bank kartınıñ nomerası olmalı.

Şu anda çoq ukrainalınıñ bulunğanı Avropa ülkelerinde bu tür mobil bölüklerni açmaq üzerinde iş yapıla. Şu cümleden laf Bratislava, Praha, Berlin, Madrid ve Rim aqqındadır.

Hatırlatamız ki, Varşava, Hdansk, Krakiv ve Vrotslav kibi dört leh şeerinde “Dokument” DTniñ mobil bölükleri endi çalışalar.