“Qırım.Aqiqat”qa intervyu bergende Ukraina vitse baş naziri bunı bildirdi.

Onıñ fikrine köre, Qırımda duşmannen işdeşlik içün mesüliyetke çeküv meselesi ayrı bir qanunda esapqa alınmalı. Çünki Qırımnıñ bazı sakinleri, içtimaiy tarzda müim bir iş yapmağa qaldılar, bazılarınıñ anda biznesi olğanı içün birinciden çıqıp, qayttılar. Amma bazıları duşmannen işdeşlik yapmağa başaldılar. Vaqialar farqlı ola bilirler.

“Aynı zamanda rus propagandası, Qırımnıñ sakinlerine “duşman işdeşlikçisi” qanunına mücibi mesüliyetke çekilecekler dep, olarnı qorqutmağa imkân coymay. Bu öyle olmay. Çünki vaqtınca işğal etilgen Qırınmda qalğan er kes duşmannen işdeşlik yapmay. Komplekste amnistiya, lüstratsiya ve cinaiy mesüliyetke çeküv ceryanını muzakere etmek kerek”, – dep vitse baş nazir tafsilâtlıca ayttı.

O qayd etti ki, cenk vaziyeti şartlarında bu mesele pek şiddetli ve aynı zamanda pek incedir.

“Buña köre vaqtınca işğal etilgen Qırımda Ukraina vatandaşlarınıñ aqlarını sıñırlamaq içün rütbeleri ve imkâñlarını qullanğan, duşmannen işdeşlik yapqan, yarımadanıñ işğaline yardım etken kişiler cinaiy mesüliyetke çekilecekler”, – dep İrına Vereşçuk hulâsa çıqardı.