Bugün Ükümet, ReNazirliginiñ azırlağanı qanun leyhalarını destek etti. Olar, istimal kreditleriniñ ayrı türlerini ödeme şarlarını esapqa alalar.

Birinciden laf tedaviylev, tamir, ev aletlerini aluv, raatlıq, oquv v.i. kibi maqsatlarnen alınğan kreditler aqqındadır. Bu tür kreditler, taşınmaz mülk ya da taşınğan mülk şeklinde evelden ödevni esapqa almaz. Amma olarnıñ ödeme faizi soñ derecede yüskektir: senelik 50-100%.

Arbiy areketler topraqlarında ve VİETda yaşağan ya da olardan çıqqan vatandaşlar-kredit alıcılar içün bu tür istimal kreditlerini keri ödemek, büyük bir mesele oldı. Vatandaşlarnıñ ReNazirligine çoq hitabı bunı köstere.

Kredit alıcılarnıñ ödeme ceryanını qolaylaştırmaq içün mezkür deñişmeler teklif etildi.

Qanun leyhalarınıñ aareketi er bir istimal kreditine tarqata, amma:

sturukturası yañıdan deñşken ve ödengen,

mesken/maşna almaq içün alınğan,

kiçik senelik faiznen kreditlerge tarqatmay.

ReNazirliginiñ azırlağanı qanun leyhalarını cenk vaziyeti boyunca ve bitken soñ 30 kün devamında bu tür istimal kreditleriniñ mecburen strukturasını yañıdan deñiştirmek teklif etile.

Aynı zamanda kredit alıcılar:

– devlet içimnde alınğan kişiler olaraq qayd etilmeli,

– devam etken (bitken) arbiy areketler topraqlarında ve VİETda muntazam olaraq yaşamalılar ya da bu tür topraqlardan çıqmalılar,

– 2022 senesi kiçik aynıñ 24-ünde ödeme müddeti keçmemeli.  

Aşağıdaki şartlarda bu tür vatandaşlar, kredit strukturasını yañıdan deñiştirüv mehanizmini qullana bilirler: 

– kredit alıcı ya da ailesiniñ azalarınıñ tek kârı – devlet ve içtimaiy maliyeviy yardım ve ya pensiya teminatı, hayriye yardım olsa;

– плат cenk neticesinde kredit alıcı ya da ailesiniñ azası saqatlı olsa ve kredit alıcı ya da ailesiniñ azalarınıñ umumiy kârı – eki asğariy aylıqnıñ miqdarından az olsa.

Bundan ğayrı, cenk vaziyeti boyunca ve bitken soñ 30 kün devamında kreditçi ve kredit parasını ödetici şirketlerge kredit alıcılarnıñ ödeme müddetini tüzetüv tedbirlerini keçirmege yasaq etmege teklif etile.

Daa Nazirler Kabineti, Bergi şartnamesine deñişmelerni destek etti. Olar esapqa alalar ki, bu tür struktura yañıdan deñiştirüv ceryanı neticesinde alınğan kâr bergisiz olır. 

Ükümetniñ oturışında tasdıqlanğan qanun leyhaları yaqın kelecekte Yuqarı Şurağa yollanacaq.