Bugün vitse baş nazir İrına Vereşçuknıñ başlığınen Qırımtatar tili meseleleri milliy eyyetiniñ ilk oturışı keçirildi.

Bu sene para qış ayınıñ başlanğıcında 2022-2032 seneleri içün Qırımtatar tilini inkişaf strategiyasını yerine ketirmek içün Milliy eyyet teşkil etildi.

Prezidentniñ Qırım MCHde daimiy vekili Tamila Taşeva ve Qırımtatar Milliy Meclisiniñ başı Refat Çubarov da, Milliy eyyteniñ başlarıdır.

Oturışta Milliy eyyetniñ terkibinde olğan devlet organlarınıñ vekilleri, oquv müessiselerinden alimler ve tilşınaslar iştirak ettiler.

Oturışnıñ iştirakçileri, Strategiyanı ve onı yerine ketirmek içün Operatsiya planını kerçekleştirüv ilk adımlarına diqqatını celp ettiler.

Er bir tilni qullanuv esas şartı, imlânıñ mevcut olmasıdır. Tamam imlânı tasdıqlav, qırımtatar tiliniñ itibarını pekitecek, Ukrainada ve bütün dünyada onıñ rağbetleşmesine imkân berecek.

İştirakçiler, qırımtatar tiliniñ imlâ meseleleri iş gruppasını teşkil etüv imkânını muzakere ettiler. Onıñ terkibine latin urufatında qırımtatar tiliniñ resmy imlâsını azırlamağa çalışqan tilşınaslar kirsetilmeliler.

“Qırımtatar tili – UNESCOnıñ qorçalaması astında bulunğan medeniy variyettir. Ve tamam biz onı saqlamalımız. Kerçek neticeler bergen yönelişlerge diqqatımıznı celp etemiz. Birinciden – imlâ ve onı resmen tasdıqlamaq içün normativ-uquqiy temel azırlamaq. Bu, Qırımdaki işğalciler içün bir signal olmalı ki, Ukraina qırımtatar tiliniñ yoq olmasına yol bermeycek. Onı inkişaf etmek, şu cümleden Milliy eyyetniñ faaliyeti vastasınen, mümkün olğan çoq ğayret kösterecekmiz”, – dep İrına Vereşçuk qayd etti.