Bugün Ükümet, Ukrainağa qarşı silâlı tecavuz neticesinde esirlik yerlerinde bulunma aqqında şeadetnamelerni vesiqalaştıruv yol-yoruğını qolaylaştırğan deñişmelerni tasdıqladı.

Vitse baş nazir İrına Vereşçuknıñ emrinen qanunlarğa maqbul şeadetnamelerni berüv yol-yoruğını mükemmelleştirici deñişmeler azırlandı.

Kişini şahsiy serbestlikten marum etüv vaqiasını tesbit etüv meseleleri eyyetine hitap etmek içün (askerlerge dair) kerekli vesiqalar cedvelinde bu şeadetname mevcuttır.

Şu anda bu tür vatandaşlar ya da olarnıñ qanuniy vekilleri şeadetnamelerni almaq içün quvet müessiselerine şahsen hitap eteler.

Bugünden arbiy esirler sicilini yapqan ogran olaraq Milliy malümat bürosı da şeadetnamelerni almaq içün hitap ete bilir. Şu cümleden, Mudafaa nazirligine, uquq qorçalayıcı organğa, Silâlı Quvetlerniñ bölüginiñ komandanına, başqa qanuniy arbiy teşkilâtqa ya da Ukrainanıñ Telükesizlik ve mudafaa quvetlerine ait olğan organğa.

Tasdıqlanğan deñişmeker, şeadetnamelerni alıv ceryanını pek çabikleştirecek, arbiy esirlerniñ ya da aqrabalarınıñ vaqtı ve küçüni saqlaycaq.