Tek haber telemarafonınıñ canlı yayınında Ukraina vitse baş naziri İrına Vereşçuk bunı qayd etti. O añlattı ki, tamam bu maqsatnen Nazirler Kabinetiniñ faal arbiy areketler zonalarından balalarnıñ mecburiy tahliyesi aqqında buyruğu qabul etildi.

Vitse baş nazir qayd etti ki, balalarnıñ mecburiy tahliyesi – tek Donetsk vilâyetinde işlegen mecburiy tahliye çerçivesinde yardımcı alettir. Bundan ğayrı o bildirdi ki, şimdi tek Bahmut, arbiy areketler zonalarından balalanıñ mecburiy tahliyesini qullanuv maqbul kriteriylerine uyğundır.

“Laf, ana-babalardan balalarını aluv aqqında olmay. Laf, bedeniy mecburiyet aqqında da olmay. Amma balalarnıñ mecburiy tahliyesiniñ uquqiy hususiyeti – ana-babalardan eñ az biri tahliyeden red etmemeli ve tahliye vaqtında balasını ozğarmalı”, – dep İrına Vereşçuk qayd etti.

“Bundan ğayrı, Cinaiy qanunnameniñ 166. maddesini unutmamaq kerek. Oña mücibi, balasını bedeniy telükege añlı ograştıruv içün ana-babalar cinaiy mesüliyetke çekmek mümkün”, – dep memur qayd etti.