Bugün Nazirler Kabinetiniñ oturışında mezkür qarar berildi. Keçken sene saban ayında cenk vaziyeti şartlarında bala aqlarını qorçalav meselelerinde icra akimiyeti ve yerli öz idare organlarınıñ areketlerini idare etmek maqsadınen teşkil etildi. 

Ükümet, İdare ştabınıñ vazifelerini kenişletti. Bugünden organ aşağıdaki vazifeler yapa:

– akimiyet organlarınıñ, Ukrainanıñ telükeli topraqlarından tahliye etilgen balalarnıñ yañı yaşağanları yerlerge integratsiyasına yardım etici areketlerini idare ete;

– devlet içinde alınğan balalarnıñ aqlarını riayet etüvni nezaret ete;

– vaqtınca işğal etilgen topraqlarğa ya da rusiye veya başqa üklelerniñ topraqlarına mecburen ketirilgen balalarnı Ukrainanıñ toprağına qaytaruv tedbirlerini idare ete.

“Balalarımıznıñ arbiy areketler zonalarından tahliye etilecek soñ telükesiz bir yerde bulunmaları müimdir. Olar içün yaşayış, oquv ve ruhiy reabilitatsiya uyğun şartları yaratmalı. Bundan ğayrı, tecavuzcı tarafından çoq bala mecburen sürgün etildi. Olarnıñ acele qaytmaları içün bu meselede ukrain akimiyet organları muayyen işdeşlik ceryanını tüşünip çıqarmalılar. Çünki yerli seviyeden halqara teşkilâtlar seviyesine qadar bütün müessiselerni mezkür ceryanğa celp etmek kerek. İdare ştabınıñ ğayretleri tamam buña yönelecektir”, – dep İrına Vereşçuk qayd etti.