burger

Vitse baş nazir İrına Vereşçuk ruslardan sürgün etilgen ukrain öksüz balalarınıñ cedvelini talap ete

Опубліковано 20 March 2023 року, о 9:00

Ukraina vitse baş naziri İrına Vereşçuk, rfnıñ insan aqları vekiline ve rfnıñ bala aqları vekiline halq ögünde muracaat etti.

“Ukrain tarafına aşağıdaki bütün öksüz balalar ve ana-babanıñ vasiyliginden marum etilgn balalarnınıñ cedvelini acelen bermege teklif etem:

1) 24.02.2022 s. 18 yaşına qadar Ukraina vatandaşları olğan;

2) şu anda Ukrainanıñ vaqtınca işğal etilgen topraqlarında bulunğan;

3) Ukrainanıñ vaqtınca işğal etilgen topraqlarından rus toprağına ketirilgen”, – memurnıñ öz içtimaiy ağlarında yayaınlağanı beyanatta yazıldı.

Belli oldı ki, ecnebiy araştırıcılar ve jurnalistlerniñ ögrengenlerine köre, ruslar Ukrainadan öksüz balalarnı ketirip, rusiye vatandaşlarına olarnı vasiy etmege teklif ete ediler. 

Qayd etmek kerek ki, ruslar öz cinayetlerini gizlemeyler. Şu cümleden, rusiyeniñ bala aqları vekili, ukrain öksüz oğlunı halq ögünde vasiy etti. Ukrainanıñ qaytarmağa talap etkeni öksüz balalarnıñ adı cedvelinde olğanına baqmadan.

Bugün sürgün etilgen balaları qaytarmaq – Prezidentniñ Ofisi ve Baş prokurornıñ Ofisiniñ prioritetlerinden biridir.

Hatırlatamız ki, saban ayınıñ 18-inde Halqara cinaiy makeme rfnıñ prezidentini ve rfnıñ bala aqları vekilini apis etmek içün order berdi. Olarnı, balalarnı qanunsız sürgün etüv ve Ukrainanıñ işğal etilgen rayonlarından rusiye federatsiyasına ketirüv cenk cinayetlerini yapmağa şübeleneler.