Harkiv vilâyetine iş ziyareti çerçivesinde Ukraina vitse baş naziri İrına Vereşçuk, işğalden azat etilgen cemaatlarnıñ ealisine ruhiy yardım bölge hızmerleriniñ işinen tanış oldı. AQŞ, Kanada, Büyük Britaniya, İsveçiya, İsviçre ve Finlandiyanıñ maliyeviy desteginen ReNazirligi, Harkiv VAM ve göñüllilerniñ ortaqlığınen Ukraina Prezidentiniñ apayı Olena Zelenskanıñ teşebbüsinen Umumiy ukrain ruhiy sağlıq programması çerçivesinde saban ayınıñ 1-inde o, çalışmağa başladı. 

Yañı teşkil etilgen ruhiy hızmet, Harkiv vilâyet içtimaiy hızmetler merkeziniñ terkibinde çalışa.

Bugünge köre, hızmetniñ taqımı em Harkiv şeerinde, em de vilâyetiniñ 12 cemaatında (Merefa, Çuhuyiv, Malınivka, Slobojanska, Zmiyiv, İzüm, Oskilska, Pervomaysk, Lozova, Mala Rohan, Sahnovşçına, Balakleya) işini idare etti. Er kün ruhiyatçılarnıñ mobil gruppaları bölgege ketip, anda çalışalar.

“Ruhiy-içtimaiy yardım – milletniñ tek sağlığı ve azimkârlığı degil. Bazı da vaqtındaki ve ihtisasiy ruhiy yardım ayat qurtara. Ayrıca şimdi kibi çağıruvlar vaqıtlarında”, – içtimaiy ağlarda İrına Vereşçuk, hızmetni ziyaret etken soñ, yazdı.

Memur, bu müim leyhanıñ başlatmasına qatılğan er keske teşekkür bildirdi. Ve bütün bölgelerni bu tür leyhalarnı başlamağa çağırdı.

“Ükümet, bölge akimiyeti, göñülliler ve halqaracılar kibi dörtköşelikte leyhalarnı başlatıñız. Bu işley!” –  dep İrına Vereşçuk qayd etti.