Çiçek ayınıñ 1-inden poçta alâqasınıñ milliy operatorı, Almaniyağa posılka yollama fiyatlarını 60%ğa qısqartacaq. Yañı fiyatlar em aqrabaları ve ya dostları bu ülkede yaşağan ukrainalılar, em de ecnebiy ülkelerge mülkini satqan iş insanlar içün irişilir olacaq.

3 kgdan kiçik posılka yollama fiyatı 13,7 dollar (tahminen 500 grn.), 7 kg – 21,6 dollar (tahminen 750 grn.) olacaq. Yengil yükler içün kiçik zarf fiyatları bar – 5,6 dollardan (tahminen 205 grn.). Ukrpoştanıñ er bir bölüginden Almaniyanıñ er bir meskün yerine posılka yollamaq mümkün.

Almaniya, mahsus fiyatlarnıñ uygulanğanı beşinci ülke oldı. Endi qara qış ayında Litvaniya, Latviya ve Estoniyağa yollama fiyatları 45%ğa, Ukrainadan Lehistanğa EMS posılkalarını yollama ise 75%ğa tüşti.

Ukrpoştanıñ poçta bölüklerinde ve şahsiy online kabinette, em de poçta alâqasınıñ milliy operatorınıñ mobil qullanması vastasınen posılkanı resmiyleştirmek mümkün.