Tek haber telemarafonınıñ canlı yayınında Ukraina vitse baş naziri İrına Vereşçuk bu aqqında haber berdi. O tafsilâtlıca añlattı ki laf, mahsus bala müessiseleriniñ talebesi – öksüz balalar ve ana-babanıñ vasiyliginden marum etilgen balalar aqqındadır. 

Memurnıñ sözlerine köre rusiye, olar aqqında er bir malümat gizlegeni sebebinden olarnı mümkün olğan er bir müessise – Ukraina Prezidentiniñ Ofisi, Baş Prokurornıñ Ofisi, Ukraina Telükesizlik Hızmeti, Tış istihbarat hızmeti, Milliy politsiya, ReNazirligi v.b. olarnı qıdıruv ceryanına qatılalar.

“Alınğanımız bütün bilgilerni, bu cinayetlerni taqiqat etken Halqara cinaiy makemege yollaymız. Anda endi çoq delil bar. Biz ümüt etemiz ki, bizim ğayretlerimiz ve halqara cemaatqa tesirimiz, bizim balalarımıznı qaytaruv ceryanını çabikleştirmege yardım etecekler”, – dep vitse baş nazir qayd etti.