“Rada” telekanalınıñ canlı yayınında vitse baş nazir İrına Vereşçuk bu aqqında haber berdi.

Vitse baş nazir qayd etti ki, mezkür qanun, işğalden azat etilgen topraqlarda keçici devirniñ hususiyetlerini tesbit etecek. Yani laf, topraqnı duşmandan azat etilgenden ve işğalden azat etilgen topraqnıñ tolu reintegratsiyasına qadar devir aqqındadır.

Evelki “Keçici devir devlet siyaseti printsipleri aqqında” qanun leyhası, topraqlarnı siyasiy yani arbiy olmağan usulnen qaytaruvğa esaslana edi. “Ukrainanıñ işğalden azat etilgen topraqlarınıñ uquqiy rejimi aqqında” yañı qanun yaratıcı teşebbüsi, şimdiki vaqialarnı yani ukrain topraqlarnı arbiy ususlnen azat etüv vaqialarını esapqa ala.

“Mezkür qanun leyhasınıñ esas vazifesi – tek devlet akimiyetini yañıdan tiklemek ve adalet temin etmek degil. Bu, em maal, vesiqalar ve makeme qararları meseleleridir. Bu, en ukrain malümat boşlığını ve gumanitar saanı yañıdan doğurmaq ta,” – dep İrına Vereşçuk anons yaptı.