Slovakiya, Ukrainanıñ rus tecavuzınen cenkleşüv ceryanında destegini çoq kere köstere edi.

Bu kere ise Slovakiya Cumhuriyetiniñ Milliy Şurası, ukrain qadınları ve balalarını rfnıñ topraqlarına qanunsız sürgün etüvni takbih etici ve iddetlenici rezolütsiyanı qabul etti. Slovakiya Parlamenti, qanunsız sürgünlikni acelen bitirmege ve er bir Ukraina vatandaşını Vatanına qaytarmağa çağırdı. 

Bundan ğayrı Slovakiya Milliy Şurası, ülkeniñ baş prokurorına cinaiy areketlerni qıymetlendirmek ve maqbul cinaiy davanı açmaq ricasınen hitap etti. Em de slovak Ükümetine hitap etti – Ukrainağa cenk cinayetçilerini cinaiy mesüliyetke çekmege yardım etmek içün. Şu cümleden, rus mebusları, ükümetçileri ve askerlerini mesüliyetke çekmek maqsadınen. 

ReNazirligi, Slovakiya Parlamentine ve bütün slovak halqına olarnıñ bozmağan siyasiy menfaatı ve Ukrainanı destek etmeleri içün minnetdarlığını bildire. Ümüt etemiz ki, halqara cemaatqa bizim ğayretlerimiz ve tesirimiz, sürgün etilgen ukrainalılarnı qaytaruv ceryanını çabikleştirmege yardım etecekler.