“Tek haberler”niñ canlı yayınında vitse baş nazir İrına Vereşçuk bunı bildirdi.

Ruslarnıñ ukrain balalarını, şu cümleden öksüz balalarını, sürgün etmelerini añlatqanda İrına Vereşçuk bu tür tarihiy parallelni çizdi. O hatırlattı ki, Ekinci cian cenkinden soñ Nürnbergteki natsistlerge qarşı ilk makeme ceryanlarından biri, yeudi balalarınıñ mecburiy sürgünliginen bağlı edi.

“Muayyen bir milletniñ genotsid cinayetini yapqan insanlarnıñ ceza alğanları ilk makeme ceryanlarından biri edi. Kösterimli tarzda, bütün düyna ögünde. Ruslar da aynı şekilde cezadan qaçamazlar. Halqara taqiqat orgnaları ve bizim uquq qorçalayıcılarımız, böyle degen vasiylerniñ adlarını endi ögrendiler. Qanunsız olaraq ülkeden ketirilgen bizim öksüz balalarımıznı vasiylik eterek, güna yapqan insanlarğa daa bir kere hatırlatam: adliyeden qaçamaqsıñız ve öz areketleri içün Ekinci cian cenkinden soñ natsistler kibi mesüliyet alacaqsıñız”, – dep vitse baş nazir tenbiyeledi.