Ukraina Prezidentiniñ emirnen baş nazir Denıs Şmıhalnıñ başğlığınen işğalden azat etilgen topraqlarnı cenkten soñ yañıdan quruvğa dair oturış keçirildi.

Mezkür oturışta vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, Ukrainanı yañıdan quruv meseleleri vitse baş naziri – Cemaatlar, topraqlar ve astyapınıñ inkişafı meseleleri naziri Oleksandr Kubrakov, Astyapını yañıdan quruv ve inkişaf etüv devlet agentliginiñ başı Mustafa Nayem, Sağlıq nazirligi, Tasil ve İlimler nazirligi, Medeniyet ve malümat siyaseti nazirliginiñ vekilleri v.b. iştirak ettiler.

Mezkür tedbirniñ neticelerine köre, build back better (“olğandan daa yahşı”) printsipinen yañıdan quruv deñev leyhaları başlaycaqları 5 vilâyetniñ birer meskün yeri evelden saylandı. Şu cümleden Kıyiv, Sumı, Harkiv, Herson ve Çernihiv vilâyetlerinde.

Laf, tek meskenni degil, em zemaneviy ameliyatlar ve telüke talaplarını esapqa alaraq hastahaneler, mektepler, bala bağçaları, Memuriy hızmetleri merkezleri, medeniyet obyektlerini yañıdan quruv aqqındadır.