burger

İrına Vereşçuk: “İşğalden azat etilgen topraqlarnı yañıdan ayatqa qaytarmaq içün mümkün olğan er bir resurs çekmek kerekmiz”

Опубліковано 2 April 2023 року, о 10:54

Tünevin vitse baş nazir İrına Vereşçuknıñ başlığınen İşğalden azat etilgen topraqlarnı yañıdan quruv meseleleri idare ştabınıñ tış oturışı keçirildi. İştirakçileriniñ diqqatı, Herson vilâyetiniñ işğalden azat etilgen topraqlarını gumanitar minasızlaştıruvğa ve yañıdan quruvğa celp etildi.

Vilâyetteki vaziyet soñ derecede ağır, amma buña baqmadan vilâyet arbiy memuriyetinen beraber ReNazirligi bu ceryanlarğa mümkün olğan er bir müessise ve hızmet çeke. Şu cümleden, halqara donorlarnı. Olar, ealini mina telükesi aqqında haber etmege ve yañıdan qurmağa yardım etecekler.

Şu anda gaz, suv ve qızdıruv kibi kritik astyapı prioritettedir. Tek yerli kommunal hızmetler degil, başqa bölgelerniñdekiler ve halqaradakiler de olarnen yañıdan temin etemege razı ettiler.

“Ortaqlar añlamalılar ki, anda insanlar soñ derecede ağır şartlarda yaşaylar. Buña köre, işğalden azat etilgen topraqlarda normal ayatnı yañıdan yaratmaq içün mümkün olğan bütün resurslarnı çekmek kerek. Laf etmemek degil, areket etmek te kerekmiz!” – dep vitse baş nazir hulâsa çıqardı.