Vitse baş nazir İrına Vereşçuknıñ başlığınen veteranlarnı içtimaiy qorçalav saasında devlet siyasetini şekillendirüv ve kerçekleştirüvge dair eyyetlerarası oturış keçirildi.

Muzakerege Veteranlar meseleleri naziri Yuliya Laputina, İçtimaiy siyaset naziri Oksana Jolnovıç, Mudafaa nazirligi ve Prezidentiniñ Ofisiniñ vekilleri qatıldılar.

Oturışnıñ iştirakçileri razı oldılar ki, veteranlarnı barışıqlı yaşayışqa qaytaruv meselesi kompleksli tarzda baqılmalı. Böylece müessiseler, öz Ukrainanıñ qorçalayıcılarını destek programmalarını taqdim ettiler. Olar şu cümleden içtimaiy adaptatsiya, içtimaiy reabilitatasiya, işke aluv, veteranlar aralarında biznesniñ inkişafına yardım etüvnen bağlıdır.

Mezkür programmalarnıñ kerçekleşmeleri içün muntazam müessiselerarası işdeşlik kerek, bunıñ içün bugünki oturış, kelecek azırlavlar içün nasıldır bir meydançıq olmalı.

“Vatanını qorçalağan vatandaşlar, devletniñ detseginden emin olmalılar. Ayrıca arbiy areketler neticesinde yaralanğan erkek ve qadın qorçalayıcılarımız. Olar, çoq bürokratik protsedura keçirerek, öz statusını tasdıqlamamalılar. Bu meselede raqamiy vesiqalar meydanğa ketirmek kerek. Qararlar, insan faktorınıñ minimal tesirinen, avtomatik olaraq berilmeliler. Cebede bu insanlar bizni qorçalaylar, bunıñ biz, devlet olaraq, barışıqlı yaşayışta olarğa içtimaiy qorçalavnı kefalet etmelimiz”, – dep İrına Vereşçuk qayd etti.