burger

Donetsk vilâyetiniñ 21 meskün yerinde balalar içün mecuriy tahliye ilân etildi

Опубліковано 4 April 2023 року, о 18:30

Bugün vitse baş nazir İrına Vereşçuknıñ başlığınen Cenk vaziyeti şartlarında ealiniñ mecburiy tahliyesini keçirüv meseleleri idare ştabınıñ oturışı keçirildi.

İdare ştabınıñ azaları, telükesizlik vaziyetiniñ kritik qalğanı Donetsk VAMniñ Donetsk vilâyetiniñ 21 meskün yerinden 126 balanıñ mecburiye tahliyesini ilân etüv qararını bir ağızdan destek ettiler. 

Vilâyette “Beyaz periler” adlı politsiyanıñ 5 tahliye taqımı çalışa. Olar, balalarnıñ qurşundan qorunğan maşnalarnen telükesiz ketmelerini temin eteler.

Ana-babalarınıñ biri ya da qanuniy vekiliniñ ozğarmasınen tahliye etilgen balalar bedava mesken, içtimaiy kefaletler, gumanitar yardım ve ruhiy desteknen temin etilecekler.

(098) 890-33-18 telefon nomerası vastasınen ya da yerli akimiyetniñ vekillerinden Donetsk vilâyetinden tahliye meselelerini ögrene bilirsiñiz.

Ağır hasta olğan ve saqatlı insanlarnıñ tahliyesi içün aşağıdaki telefon nomeraları vastasınen hitap etiñiz: (099) 710-48-72, (099) 311-53-14, (099) 311-53-36, (096) 108-60-48, (096) 108-52-24.