EU4Business – kiçik ve orta müessiselerniñ inkişafı teşebbüsi çerçivesinde Avropa Birligi Ukrainağa yardım etmege devam ete. Programmanıñ yönelişlerinden biri – cebege yaqın ve işğalden azat etilgen topraqlaran müessiselerdir. Keçenlerde olarnı destek etmek maqsadınen daa bir konkurs başlandı.

10 şirket biznesini inkişaf etmek içün 10 biñ yevrolıq grant ala bilir. Olar Çernihiv, Sumı, Harkiv, Herson, Mıkolayiv, Zaporijjâ, Donetsk, Luhansk, Odesk, Dnipropetrovsk, Poltava, Kirovohrad ve Kıyiv (Kıyiv şeeri olmadan) kibi vilâyetlerinde qayd etilmeliler.

Müessiseler vaqtınca işğal etilgen topraqlarda yerleşmemeliler ve anda öz faaliyetini yapmamalılar. Olarnıñ sipleri Ukraina vatandaşları olmalılar. İştirak etken vaqıt müessiseniñ işçileriniñ sayısı 11 – 249 insan olmalı.

Bir iş insannıñ tek bir arizası alına. Bağlantığa basıp, konkursnıñ başqa şartlarını ögrenmek mümkün.

2023 senesi çiçek ayınıñ 9-ına qadar ariza bermek mümkün. Mayıs ayına qadar ğalebe qazanğan insanlar belli olacaqlar.