Şu cümleden 2022 senesi arman ayından başlap Donetsk vilâyetinden mecburiy tahliye devam ete. Böylece 8 ay devamında telükesiz bölgelerge eñ az 60 biñ vatandaş köçti. Olar aralarında – 7 biñden ziyade bala ve eñ az 2,5 biñ az mobil insan.

Bundan ğayrı, keçken sene küz mevsiminde başlağan işğalden azat etilgen topraqlardan tahliye devam ete. O çerçivesinde 7 ay devamında Harkiv vilâyetinden endi 25 biñ insan çıqtı. Herson vilâyetiniñ keçenlerde işğalden azat etilgen topraqlarından 5 ay devamında eñ az 21 biñ vatandaş tahliye etti.

Ukrainanıñ telükesiz bölgelerine vatandaşlarnı merkezleşken tarzda ketirmek içün evelden azırlamalar yapılır ve bütün tedirlerini keçirmege planlaştırır. Vatandaşlarımıznıñ telükesizlikte olmaları içün Prezident, Ükümet, yerli akimiyet, halqara teşkilâtler ve göñülliler mümkün olğan ğayretlerini köstereler.

Hatırlatamız ki, tahliye etmege planlaştırsañız, ReNazirliginiñ 24 saat işlegen 15-48 sıcaq hattına hitap ete bilirsiñiz. WhatsApp/Telegram/Viber messengerleri vastasınen beyanat yazıp yollamaq içün şu telefon nomerasını qullanıñız: (096) 078-84-33.