Vilnüs şeerinde Ukrainada ciddiy halqara cinayetlerni taqiq etüv orta gruppasınıñ (JIT – Joint Investigation Team) azaları tek arbiy cinayetlerni degil, genotsid cinayetini de taqiq etmek içün bir añlaşma imzaladılar.

JITke Ukraina, Lehistan, Litvaniya, Estoniya, Latviya, Slovakiya ve Romania qatıldı. Onıñ iştirakçileri arasında AvropaAdliye (Eurojust) ve öz tarihında ilk kere – Halqara cinaiy makemeniñ prokurorınıñ Ofisi.

Gruppanıñ azaları hulâsa çıqardılar ki, tolu miqyaslı tecavuznıñ ilk künlerinden belli oldı ki, Ukrainanıñ vaqtınca işğal etilgen topraqlarında yapılğan arbiy cinayetlerniñ kütleviyligi ve sistemliginiñ ukrainalılarnı milliy gruppa olaraq taqip etüv kampaniyasınıñ alâmetleri bar. Şu cümleden, balalarnıñ mecburiy sürgünliginiñ eñ az 19 biñ vaqiası qayd etildi.

Bunıñ içün mezkür Añlaşma Ukrainada cinaiy genotsid cinayetini taqiq etmege, deliller ve malümatnen paylaşmağa yardım etecek. Halqara mütehassıslar, JITnıñ işini pekitecekler.

Bu, Ukrainada bu qorqunç cinayetke ait olğan er kesni tapıp, mesüliyetke çekmek içün müim bir adımdır. Bu, tecavuzğa cezalardan qaçınmama büyük bir signalıdır, çünki Ukrainanıñ halqara destegi tek arta.