burger

Devlet içinde alınğan kişilerniñ aqlarını kerçekleştirüv meseleleri idare ştabı teşkil etildi – Ükümetniñ qararı

Опубліковано 18 April 2023 року, о 16:22

Ükümet, ReNazirliginiñ Devlet içinde alınğan kişilerniñ aq-uquqlarını kerçekleştirmege temin etüv meseleleri idare ştabını teşkil etmek teşebbüsini destek etti.

Nazirler Kabinetiniñ bu mesleat-yardımcı organınıñ başı vitse baş nazir İrına Vereşçuk oldı.

İdare ştabınıñ işi – 2025 senesine qadar devlet içinde alınuvğa dair devlet siyaseti strategiyasını yerine ketirüv operatsiya planınıñ maddelerinden biridir.

İdare ştabı, yañı yaşağan yerlerine devlet içinde alınğan kişilerniñ integratsiya meselelerinde icra akimiyeti organlarınıñ işdeşligini pekitmege yardım etmeli. Laf, şu cümleden, DAKni qanunlarda qayd etilgen memuriy, içtimaiy ve medeniy hızmetlernen temin etmek içün qabul etken cemaatnıñ potentsialını inkişaf etmek aqqındadır.

“Bugün berilgen qarar – devlet içinde alınğan kişilerni destek meselelerinde izçen devlet siyasetiniñ daa bir adımıdır. Keçken sene biz, ealiniñ kütlkeviy tahliyesinen oğraşa edik, şimdi ise DAKniñ qabul etken cemaatlarğa integratisya ve içtiamiy uyğunlaştıruv aktual meselelerinen oğraşamız, yani bu vatandaşlarnı adiy ayatqa qaytarmaq içün çalışamız. Mezkür meselelerni al etmek içün ise devletniñ çoq diqqatlı ve izçen siyaseti olmalı”, – dep İrına Vereşçuk qayd etti.

Bundan ğayrı ReNazirligi, vilâyet arbiy memuriyetleri uzurında ealini destek etici mesleat-idare merkezlerini ve devlet içinde alınğan kişilerniñ öz idare organı olaraq DAŞ şuralarını teşkil etmege teşebbüs etti.