Ükümet, ecnebiy ülkelerde vaqtınca yaşağan ukrainalılarğa Ukrpoştada halqara yollav vastasınen pensiyanı ödemek imkânını esapqa aldı.

Lehistanda vaqtınca mesken tapqan ukrain vatandaşlarınıñ aktual meselelerini muzakere etüv oturışınıñ neticesinde İçtimaiy siyaset nazirligi mezkür buyruqnı azırladı. Olar, vitse baş nazir İrına Vereşçuknıñ başlığınen keçirile.

Laf, Ukrainada pensiyanı naqliyat paranen alğan ve şimdi ecnebiy ülkelerde bulunğan ukrain vatandaşları içün ödemelerni yañıdan yapuv aqqındadır.

Bugünden (“Ukrpoşta” ACnıñ bulunğanıñız ülkege para yollamaq tehnikiy imkânı olsa) ecnebiy ülkelerdeki poşta bölüklerinde ödemeler almaq mümkün.

Ecmebiy ülkelerde pensiya alğan insanlarnıñ mezkür kategoriyası, Ukraina Pensiya Fondunıñ  tesbit etilgen yol-yoruğına mücibi poçta vastasınen ariza yollap, pensiya yañıdan ala bilir.