Nazirler Kabinetinde online rejimde halqara ukrain-türk oturışı keçirildi. Eki ülkeniñ Ükümetleriniñ vekilleri, Türkiyege tahliye etilgen ukrain balalarını destek etüv meselelerini muzakere ettiler.

Oturışta ReNazirligi, İçtimaiy siyaset nazirligi, TİN, Yuqarı Şuranıñ insan aqları vekili ve Milliy içtimaiy servis hızmetiniñ vekilleri ukrain tarafı olaraq iştirak etti.

Türk tarafında ise Aile ve içtimaiy hızmetler naziriniñ muavini İsmail Ergünes ve balalar meseleleri saasında çalışqan başqa türk müessiseleri iştirak ettiler.

Tolu miqyaslı tecavuzdan berli Türkiye eñ az biñ ukrain balasını yerleştirdi. Olar aralarında – öksüz balalar, ana-babanıñ vasiyliginden marum etilgen balalar ve balalarnıñ başqa zayıf kategoriyaları.

Türkiyeniñ vekilleri, kiçik vatandaşlarımız içün eñ yahşı şasrtlarnı yaratmağa devam etmek niyetini qayd ettiler.

“Bizim hayalimiz – balalarnıñ barışıq dünyasında öskemeleri, cenkniñ ve tabiat felâketleriniñ ne olğanını bilmemeleridir”, – dep İsmail Ergünes qayd etti.

Ukrain tarafı ise, türk halqınıñ bizim balalarımıznı destek etmesi içün teşekkür bildirdi.

Aynı zamanda oturışnıñ iştirakçileri qayd ettiler ki, Ukraina ukrain balalarınıñ aqlarını qorçalavnen bağlı bütün meselelerde faal olaraq iştirak etmege ıntıla.

Taraflar, yaqın kelecekte olacaq ukrain vekilleriniñ Türkiye Cumhuriyetini ziyareti aqqında añlaştılar.

Oturışnıñ soñunda türk tarafı, Ukrainağa gumanitar ve siyasiy yardım bermege devam etmek azırlığını bildirdi.