Mahsus vaziyetlerde habersiz ğayıp olğan kişiler meseleleri vekili Oleh Kotenko ve Kıyiv vilâyetindeki bölge idarecisi Anastasiya Holişevska, Kıyiv vilâyet arbiy memuriyetiniñ başınıñ muavini Serhiy Biletskıynen körüştiler.

Körüşüvniñ iştirakçileri, qıdıruv işlerini keçirgende orta areketlerini muzakere ettiler. Bundan ğayrı alâ daa identifikatsiya etilmegen qaramanlarnıñ bedenlerini saqlamaq içün para ayıruv meselesi aqqında laf ettiler.

VAMniñ vekilleri inandırdılar ki, Vekilniñ Ofisiniñ işine er taraflı yardım etecekler, şu cümleden Kıyiv vilâyetindeki bölge idarecisine yardımcı olacaqlar.

“Bütün seviyelerde Vekilniñ Ofisiniñ bütün bölgelerniñ akimiyet organlarınen işdeşligini qurmalımız. Bu, habersiz ğayıp olğan kişilerniñ qorantalarına haber bermege ve qıdıruv faaliyetini çabikleştirmege yardım etecek. Bu zor meselede mümkün olğan bütün resurslarımıznı birleştirmelimiz!”, – dep körüşüv vaqtında Mahsus vaziyetlerde habersiz ğayıp olğan kişiler meseleleri vekili Oleh Kotenko qayd etti.