Avropa parlamenti, rfnıñ topraqlarına qanunsız olaraq tahliye etilgen ukrain balalarını qaytaruv meselesini daa bir kere muzakere etti. Qayd etildi ki, şu anda olarnıñ sayısı 16 ve 300 biñ arasında ola bilir. Avropa mebuslar böylece bu raqamnı añlattılar: 2014 senesinden – Qırım, Donetsk ve Luhansk vilâyetleribiñ qısımları işğal etilgen vaqıttan – berli ruslar, bizim balalarımıznı ketirmege başladılar. 

Bundan ğayrı olar diqqat ettiler ki, mecburiy sürgünlik yañıdan mümkün oldı, çünki Soviet Birliginde yapılğan bu tür cinayetler takbih etilmediler. Qabaatlı olğan insanlar ise halqara seviyede iç taqip etilmediler. Buna baqmadan şimdi cemaat bu vaqialarnı espqa aldı ve Halqara cinaiy makeme, rus diktatorı volodımır putinni ve rusiye bala aqları vekili mariya lvova-belovanı tevqif etmek içün order berdi.

AB, cenk cinayetlerini ve inasiyetlikke qarşı cinayetlerni taqiq etüv ceryanında Ukrainanı destek etmege devam ete. ABniñ Eyyeti, Haahadaki Halqara cinaiy makemege 10 milliondan ziyade yevro ayırdı ve vaqtınca işğal etilgen topraqlardan balalarnıñ mecburiy sürgünligi içün cevapkâr olğan 16 rus memuriy şahısnı identifikatsiya etti.

Orta ğayretlerniñ kelecek adımı, Avropa eyyeti ve Lehistan tarafından teşkil etilecek konferentsiya olacaq. O, Ukrainadan mecburen ketirilgen balalarnı qıdırmaq içün halqara ğayretlerni birleşmege yönelgendir.