Military Media Centerde “Esirlikten qaytarılğan askerlernen işniñ hususiyetleri ve habersiz ğayıp olğan kişikerni qıdıruv” tögerek masasınıñ oturışında Mahsus vaziyetlerde habersiz ğayıp olğan kişiler meseleleri vekili Oleh Kotenko iştirak etti. Bundan ğayrı tedbirge quvet müessiseleri ve içtimaiy teşkilatlarnıñ vekilleri qatıldılar.

Cemaatnı raatsızlıqlandırğan meselelerden eñ aktual olğan biri – habersiz ğayıp olğan grajdan kişilerni qıdıruvdır.

Vekil qayd etti ki, habersiz ğayıp olğan tek erkek ve qadın qorçalayıcılarımız degil, tınç yaşağan vatandaşlarnı da qıdırmaq içün devlet mümkün olğan er şey yapa.

Aqrabalarınen bağ couyğan insanlar, muayyen areketler talimatını riayet etmeliler, şü cümleden Vekilniñ Ofisiniñ sıcaq hattına hitap etmeliler. Aqrabalar mezkür areketler talimatını yapqan soñ qıdırıcı iş başlaycaq.

“Çoq insan yañlışça tüşüne ki, biz tek askerlerni qıdıramız. Biz ise habersiz ğayıp olğan grajdanlar aqqında hitaplarnı alamız. Eger siziñ yaqın insanıñız habersiz ğayıp olsa, bizim sıcaq hatlarımızğa ya da bölge idarecilerine hitap etiñiz”, – dep Mahsus vaziyetlerde habersiz ğayıp olğan kişiler meseleleri vekili Oleh Kotenko qayd etti.

Hatırlatamız ki, Mahsus vaziyetlerde habersiz ğayıp olğan kişiler meseleleri vekiliniñ sıcaq hattı çalışa: 0 800 339 247. Vekilge şahsen habersiz ğayıp olğan kişi aqqında haber bermke mümkün: (099) 792-01-26. Raatlıq künleri ise Vİber ve Telegramğa beyanat yazıp yollamaq mümkün: (095) 896-04-21.