Bugün çiçek ayınıñ 26-sında esirlerniñ ilk deñişmesi keçirildi. Evine Ukrainanı qorçalağan daa 42 kişi ve 4 grajdan kişi qaytarıldı.

Esirlikten Ukraina Silâlı Quvetleriniñ 19 askeri, 2 milliy gvardiyacı, 11 sıñırcı, Arbiy-deñiz quvetleriniñ 7 askeri ve 3 topraq mudafaacısı muvafaqiyetnen azat etildi.

Deñişme Prezident Ofisi, İstihbarat Baş İdaresi, Ukraina Mudafaa Nazirligi ve Ukraina Telükesizlik Hızmetiniñ ve Reintegratsiya nazirliginiñ yardımınen keçirildi.

Reintegratsiya nazirliginiñ Milliy malümat bürosı, azat etilgen mudafaacılarnıñ içtimaiy qorçalanmasını ve ilk yardımnı temin ete: yaqınlarınen telefon alâqası, ilk kerekli eşyalar, şahsiy vesiqalar ve benk kartlarını yañıdan vesiqalaştıruv, tibbiy yardım, uquqiy yardım v.b

Bundan ğayrı, MMB esirlikten azat etilgen insanlarğa vesiqalar, bank esapları ve sim-kartlarnı yañıdan almağa yardım ete. Ve olarnıñ devletten 100 biñ grivnalıq bir kerelik para yardımını almaları içün ozğaruv temin ete.