burger

Habersiz ğayıp olğan kişilerniñ tek sicili işlemege başladı

Опубліковано 2 May 2023 року, о 9:40

Bugünden Habersiz ğayıp olğan kişilerniñ tek siciline habersiz ğayıp olğan kişiler aqqında bilgiler kirsetilecek. Mahsus vaziyetlerde habersiz ğayıp olğan kişiler meseleleri vekili ve başqa müessiselernen beraber İçeri işler Nazirligi tarafından mezkür sicil azırlandı.

Sicilde habersiz ğayıp olğan kişiler aqqında bilgiler toplanacaq ve merkezleşecek: şahısnıñ adı, doğğan künü ve yeri, aile alı, yaşağanı yer, ğayıp olğanı topraq, vaziyet ve zaman, mahsus alâmetleri.

Bundan ğayrı sicilge şahısnı habersiz ğayıp olğan ya da ölgen olaraq tanığan makemenıñ qararınıñ olıp-olmağanı aqqında bilgiler ve şahısnı qıdıruv ceryanında yardım ete bilecek başqa bilgiler kirsetilecek.

Maqbul malümat sicilge kirsetecek bir ay soñ aqrabaları, habersiz ğayıp olğan kişi statusını tasdıqlaycaq maqbul şeadetnameni ala bilirler.

Mezkür şeadetname esasında insanlar, ailelerniñ çalışmağan azalarınıñ keçindiricisini coyğanları içün pensiya almaq içün Pensiya fonsuna hitap ete bilirler.

“Habersiz ğayıp olğan kişiler aqqında merkezleşken bilgilerniñ mevcut olması, daa semereli qıdıruv işini keçirmege yardım etecek. Tel başqa müessiselernen işdeşlik yaparaq, eñ çabik tarzda habersiz ğayıp olğan kişilerni tapmağa imkân berecek”, – dep Mahsus vaziyetlerde habersiz ğayıp olğan kişiler meseleleri vekili Oleh Kotenko qayd etti.