burger

İrına Vereşçuk – duşman pasportları aqqında

Опубліковано 3 May 2023 року, о 16:30

“Eki kün evel bir post yazdım, anda şu cümleden, VİETda ukrainalılarğa rus pasportlarını almamağa tevsiye ettim. Media ne içündir buña çoq diqqat ayırdı. Endi eki kün devamında çoq jurnalist teklifimna añlatmağa rica ete. Bunıñ içün men mında yazmağa qarar berdim”, – dep içtimaiy ağlarda vitse baş nazir qayd etti.

“Birinciden vaqtınca işğal etilgen topraqlarda bulunğan bizim insanlarımızğa men er vaqıt işğalcilerniñ pasportlarını almamağa tevsiye ete edim. Tolu miqyaslı cenk başlağan berli men bunı er vaqıt aytam. Bunıñ içün şimdi sözlerime KHVnıñ diqqatından kerçekten şaşırdım.

Bundan ğayrı daa bir şey añlamayım, ne içün duşman (tamam duşman) pasportlarını almama tevsiyemni añlamalıyım? Ne ve kim bunı añlamay?

Ebet, ayat zordır, çeşitli vaqialar bar. VİETdan çıqmaq içün bazıları rus pasportını alalar. Bazıları tibbiy yardım ya da pensiya almaq içün pasportqa ihtyicac duya. Bu añlayışlı bir şey. İnsan, öz yaşayış vaziyetine köre, öz başına qarar berir. Amma insanlarğa duşman pasportlarını almağa tevsiye etmelim ya da ete bilirim dep añlamğa kelmez. Bunı yapmamalıyım ve yapamam. Çünki bu tek vesiqa aqqında degil, qıymetler ve menfaat aqqındadır.

Çünki VİETda ukrainalılardan ğayrı, rus pasportlarnı almamaq içün VİETdan çıqqan ukrainalılar bar. Şimdi toprağımızda rus pasportlarınıñ olmamaları iün cenkleşken ukrainalılar bar.

Bu menim nazar noqtamdır. Eger böylece kimse onı añlamasa, onı añlayamaz. 

Çoq KHV, vaqtınca işğal etilgen topraqlarda ukrainalılarnıñ rus pasportlarını alıp-almağanlarına dair halq ögündeki munaqaşa başlattı. Tamam bu KHVa muracaat etem: bu munaqaşa, Ukrainanıñ malümat telükeiszligine zarar ketirr, onı qoqtatmaq lâzim.

Akimiyet içinde duşman pasportlarına dair bir munaqaşa yoq. Ombudsman beynen aynı nazar noqtamız bar, fikirlerimiz aynı”.