Öz maşnasınen ecnebiy ülkelerge ketken ya da ecnebiy ülkelerde maşna kiralamağa planlaştırğan ukrainalılar evelden halqarara aydayıcı vesiqasını ala bilirler. İİNniñ topraq servis merkezlerinde bunı yapmaq mümkün, dep Ükümet portalı haber berdi.

Halqara aydayıcı vesiqasını almaq (deñiştirmek) içün aşağıdaki vesiqalar bermek kerek:

– milliy aydayıcı vesiqası ve kopiysı;

– Ukraina vatandaşlığı pasportı (ID-kartta yaşayış yeri aqqında bilgiler olmasa, qayd etilgen yaşayış yeri aqqında şeadetname);

– Ukraina vatandaşı tış pasportı;

– mat kâğıtta 3,5х4,5 sm fotoresim;

– memuriy hızmetni ödeme kâğıtı.

Diqqat! Halqara aydayıcı vesiqasınıñ müddeti 3 senedir, amma milliy aydayıcı vesiqasınıñ müddetinden çoq olmaz.