OSCE, rusiyeniñ ukrain balalarınıñ aqlarını bozmaları ve olarnıñ mecburiy sürgünligi aqqında esabını yayınladı. Bu, rfnıñ ukrain balalarını qanunsız ketirüv meselelerine dair ilk ayrı mahsus halqara esaptır.

Esapnıñ esas neticeleri arasında  şöyle qayd etmek lâzim:

– tecavuznıñ başlanğıcından Ukrainanıñ vaqtınca işğal etilgen ve rfnıñ topraqlarına çoq ukrain balası ketirildi. Bunı insaniyetke qarşı bir cinayet, “sürgünlik ya da ealini mecburiy ketirüv” olaraq adlandırmaq mümkün;

– razılıq almadan ukrain balalarınıñ tahliyesi ve devamlı ketirilmesi, halqara gumanitar uquqnı bozmadır. Ayrı vaziyetlerde – IV. Jenevre şartnamesiniñ ciddiy bozmaları ve cenk cinayetleridir;

– mecburen ketirilgen ya da sürgün etilgen ukrain balaları tamamınen rus boşluğında olalar. Maqsadtlı yañıdan oqutuv ve arbiy tasilge qatıluvnen bağlı rus taraflı malümat kampaniyasını çekeler;

– rusiyeniñ, ukrain balalarınıñ vatandaşlığını deñilştirüv areketleri, balalarnıñ qanunsız vasiyligine alınmaları ya da bu tür assimilâtsiya tedbirleri – IV. Jenevre şartnamesiniñ bozmalarıdır;

– öz balalarını qaytarmağa ıntılğan aileler içün rf, çeşitli manialar yarata. Jenevre şartnamesiniñ bozması olğan balalarnıñ cedveliniñ ve yerleriniñ yartılmasına qarışa;

– BMTnıñ şartnamesinde tesbit etilgen balalarnıñ menfaatları ve aqlarınıñ çoq sayılı ve terkarlanğan bozmaları qayd etildi;

– bu çoq sayılı bozmalarnıñ neticeleri, ketirilgen ukrain balalarınıñ aqlarınıñ bozulğanına dair ciddiy raatsızlıq doğura, şu cümleden: işkenceler ve başqa canavar areketleri ya da cezalarğa oğramamaq.

Ukraina Tış işleri nazirligi qayd etti ki, Esapnıñ yayınlanmasını destek ete. Çünki onıñ neticeleri, vesiqada qayd etilgen cinayetlerge ait olğan insanlarnı milliy ve halqara seviyelerde mesüliyetke çeküv ceryanında qullanıla bilir.