Şu cümleden, 2022 senesi arman ayından berli Donetsk vilâyetinden mecburiy tahliye devam etmektedir. Böylece tahliyeniñ 9 ayı devamında telükesiz bölgelerge tahminen 70 biñ vatandaş köçti. Olar aralarında  – eñ az 8 biñ bala ve eñ az 3 biñ az mobil olğan insan.

Bundan ğayrı, keçken sene küz mevsiminde başlağan işğalden azat etilgen topraqlardan tahliye devam etmektedir. O çerçivesinde 8 ay devamında Harkiv vilâyetinden eñ az 25 biñ vatandaş köçti. Yarım sene devamında Herson vilâyetiniñ işğalden keçenlerde azat etilgen topraqlarından eñ az 23 biñ insan tahliye etti.

Vatandaşlarnıñ Ukrainanıñ telükesiz bölgelerine merkezleştirilgen tahliye içün bütün tedbirler evelden planlaştırılmaqtadır. Akimiyet, halqara teşkilâtlar ve göñülliler bizim vatandaşlarımıznı telükesizliknen temin etmek içün mümkün olğan çoq ğayret köstermektelerdir..

Hatırlatamız ki, tahliye etmege planlaştırsañız, ReNazirliginiñ 24 saat işlegen sıcaq hattına hitap ete bilirsiñiz: 15-48. WhatsApp/Telegram/Viber messengerler vastasınen de beyanat yazıp, yollaya bilirsiñiz: (096) 078-84-33.