Kıyiv şeerinde vitse baş nazir İrına Vereşçuknıñ iştirakinen işğalden azat etilgen topraqlarda halq ögünde idarecilik ve memuriyetçilik magistr programması taqdim etildi.

Tedbirde böyle insanlar da iştirak ettiler: Prezidentniñ Ofisiniñ reberiniñ muavini Oleksiy Kuleba, Prezidentniñ QMCdeki daimiy vekili Tamila Taşeva, Ukraina devlet hızmeti meseleleri milliy agentliginiñ başı Nataliya Alüşına ve Taras Şevçenko adına Kıyiv milliy universitetiniñ rektorı Volodımır Buhrov.

Şu cümleden, “Çatışmadan soñ idarecilik” tasil-ilmiy programması ve “Cenkten soñ topraqlarda idarecilik” tasil-ilmiy programması taqdim etildi.

Bu programmalarğa mücibi azırlanğan mütehassıslar, işğalden azat etilecek topraqlarda, şu cümleden Qırım MC ve Aqyar şeerinde çalışmaq içün kerekli bilgilerge saip olacaqlar.

“Topraqlar işağlden azat etilecek soñ devlet organlarınıñ işini yañıdan başlatuv meselesi peyda olacaq. Qırım içün ayrıca çoq hadim kerekecek. Bunıñ içün Prezidentniñ QMCdeki Vekilligi ve Ukraina devlet hızmeti meseleleri milliy agentliginen beraber ReNazirligi, işğalden azat etilecek topraqlarda iş içün hadimler yedegini yaratuvğa dair Buyruqnı endi azırladı”, – dep İrına Vereşçuk qayd etti.

Bundan ğayrı memur, Qırımnı işğalden azat etüv ve reintegratsiya etüv yañı strategiyanı azırlaması içün Ukraina milliy telükesizlik ve mudafaa şurasına teşekkür bildirdi.