Harkiv vilâyetinde cenkten zarar körgen insanlarğa para yardımını ödemege yañıdan başladılar. AQŞ halqara inkişaf agentliginiñ maliyeviy yardımınen Mercy Corps adlı halqara gumanitar yardım teşkilâtınıñ işdeşliginde “Martin-Klub” içtimaiy teşkilât keş-destekni bere.

Üç ay devamında para yardımı ödene. Onıñ miqdarı hocalıqnıñ er azasına aylıq 2200 grivnadır.

Soñ eki ay devamında başqa hayriye teşkilâtlarından para yardımını almağan insanlar ariza bere bilirler.

Sıcaq hatqa telefon etip, qayd etüvge yazılmaq mümkün: 0 800 334 925. Bazarertesi – Cuma künleri 10:00 – 17:00 sıcaq hat çalışa.

Yardım almaq içün aşağıdaki bilgiler bermek kerek:  

• şahsiy bergi nomerası;
• ID-kartnıñ ya da pasportnıñ nomerası;
• hocalıqnıñ azalarınıñ sayısı;
• faktik yaşayış yeri;
• bank esabınıñ nomerası (qayd etici, CVV-kodnı asla soramaz).

Hocalıqnıñ azalarınıñ qayd etkenleri alıcınıñ bank esabına mezkür yardım ödene.