Ukrainada devlet içinde alınğan kişiler, veteranlar ve cenk sebebinden zarar körgen iş insanlarnı elektron ticaretke qatılmağa yönelgen E-Export Intensive programması çalışacaq, dep İqtisadiyat nazirligi haber berdi.

Oquv kursı, e-commerce saasında işniñ bütün ceetlerini ögrenmege yardım etecek. Şu cümleden, tükân açmaq ve eBay, Etsy, Amazon, Shopify kibi eñ rağbetli platformalarda birinci satın almalarnı yapmaq.

Mayıs ayınıñ 18-inde ayrı bir tedbir keçirilecek. Anda bazı grant imkâñları taqdim etilecek. Şu cümleden, veteranlar ve evlilerniñ ekincisiniñ öz biznesini yaratması ve inkişaf etmesi içün grantlar. Em de kiçik ve orta müessiseler içün grantlar. Bağlantığa basıp, seminarğa yazılmaq mümkün.

Bozarğan – oraq ayları devamında E-Export Intensive, bedava ameliy seminarlar bölügini bere. Evelden online yazılıp, oquv ceryanına qatılmaq mümkün.

İqtisadiyat nazirligi, Raqamiy transformatsiya nazirligi, Müessiselerniñ inkişafi ve ihrac ofisi, Diia.Biznes milliy leyhası, USAIDniñ “Ukrainanıñ reqabet ete bilgen iqtisadiyatı” programması, Payoneer ve Disqover Agency şirketleriniñ desteginen Ukrpoştanıñ E-Export School leyhası esasında E-Export Intensıve programması yerine ketirildi.