Dnipropetrovsk, Kirovohrad ve Poltava vilâyetlerinde yerini deñiştirgen müessiselerni destek etmek maqsadınen telefon sıcaq hattı çalışmağa başladı. Öz Facebook saifesinde Ukrainadaki BMTnıñ inkişaf programması bu aqqında haber berdi.

Yerini deñiştirgen mikro, kiçik ve orta biznes, yañı şartlarda biznes faaliyetinen oğraşmağa istegen devlet içinde alınğan kişiler içün bu servis faydalı olır.

Call-merkezniñ işçileri hitaplarnı qayd etecekler ve aşağıdaki mezvularda bedava mesleat berecek mütehassıslarğa bilgiler berecekler:

• esabatlıq;
• biznesni açuv ve yañıdan qayd etüv;
• resurslarnı qatıluv;
• biznes planlarını yazuv;
• grant arizalarını tolduruv;
• biznesniñ uquqiy ceeti;
• ihrac;
• fevqulâde vaziyetlerge qarşılıq.

(099) 011-15-53 nomerağa telefon etip, call-merkezniñ hızmetlerini ala bilirsiñiz. Sıcaq hatnıñ çalışma saatleri: Bazarertesi – Cuma 09:00 – 17:00.

Avropa Birliginiñ maliyeviy yardımınen BMTnıñ barışıqnı yañıdan tilev ve inkişaf etüv programması çerçivesinde Luhansk vilâyetiniñ Bölge inkişaf agentligi tarafından mezkür leyha yerine ketirildi.