İspaniyada bulunğan ukrainalılar, aydayıcı vesiqasını deñiştire bilirler. Aydayıcınıñ anketa bilgileri deñişseler, vesiqanıñ müddeti soñuna yetse ya da vesiqa ciddiy olaraq bozulsa, o deñiştirile bilir, dep Ukraina İçeri işler nazirligi haber berdi.

Metro stantsiyası ve demiryol vokzlalı yanında Valensiya şeeri, Xàtiva, 46007 adresinde çalışqan “Pasport servisi” vatandaşlarğa hızmet berici mobil kompleksinde bu hızmet almaq mümkün.

Çalışma grafigi: Bazarertesi – Cumaertesi, 09:00 – 18:00. Canl nevbette hızmetler berilir.

Diqqat! Şimdi ecnebiy ülkelerde coyulğan ya da hırsızlanğan aydayıcı vesiqasını yañıdan berüv hızmeti berilmey. Valensiyada aydayıcı vesiqasını deñiştirmek içün mecburiy şart – deñiştirilecek vesiqanıñ bar olmasıdır.

Hatırlatamız ki, şöyle ülkelerde “Vesiqa” DMniñ ecnebiy bölükleri ukrainalılarğa pasport vesiqalarını bereler ya da aydayıcı vesiqasını deñiştireler: Türkiye (İstanbul), Çehiya (Praha), Slovakiya (Bratıslava), Lehistan (Varşava, Krakiv, Hdansk, Vrotslav), Almaniya (Berlin).