burger

Bugünden Diia portalında 10 vilyetniñ ve Lutsk şeeriniñ sakinleri taşınmaz mallar qayd ete bilirler

Опубліковано 21 May 2023 року, о 11:30

Bugünden Diia portalı vastasınen Zakarpattâ, Kıyiv, Dnipropetrovsk, Odesa, Rivne, Ternopil, Harkiv, Hmelnıtskıy, Çernihiv vilâyetleriniñ ve Lutsk şeeriniñ sakinleri taşınmaz mallar qayd ete bilirler.

Keçenlerde tek Lviv vilâyeti, Ternopil, Harkiv vilâyetiniñ Çuhuyiv rayonında ve Harkivde hızmet almaq mümkün edi.

Taşınmaz mallarnı qayd etüv tasdıqlay ki, tamam siz – mallarnıñ qanuniy saibisiñiz. Çünki cenk vaqtında vesiqalarnı coyuv ve bozuv telükesi arta. Tamam bunıñ içün elektron sicilge bilgilerni kirsetüv, taşınmaz mallarğa aqqıñıznı saqlaycaq.

Bundan ğayrı, yaQuruv mesken yañıdan quruv yardım programmasınıñ muvafaqiyetli kerçekleşmesi içün bu hızmetni kenişletmek müim edi. Çünki maqbul ariza bermek içün Devlet mal işleri sicilinde siziñ meskeniñiz qayd etilmeli. 

Hızmet almaq içün ne yapmaq kerek:

  • Diia portalında kiriş yapmaq ya da qayd etmek;
  • “Hızmetler” → “Topraq, qurucılıq, taşınmaz mallar” → “Taşınmaz mallarğa aqnı devlet silicine kirsetüv” → “Ariza bermek” basamaq;
  • kerekli bilgiler toldurmaq ve vesiqalarnıñ kopiyalarını ilâve etmek; 
  • arizanı elektron izmanen imzalamaq.

Bundan soñ sicilci öz başına Tehnikiy inventerizatsiya bürosına (TİB) soratma yollaycaq, bundan soñ ise taşınmaz mallarğa Devlet mal işleri siciline bilgiler kirsetecek.

Diia portalında statusnı körip, arizacı neticeni ögrene bilir.