burger

Halqara gumanitar uquq meseleleri müessiselerarası eyyet, HGU saasında idareci olmalı – İrına Vereşçuk

Опубліковано 23 May 2023 року, о 16:59

Bugün vitse baş nazir İrına Vereşçuknıñ başlığınen Ukrainada halqara gumanitar uquqnıñ qaidelerini qullanuv ve yerine ketirüv meseleleri müessiselerarası eyyetniñ oturışı keçirildi.

 

Ukrain HGU eyyeti – 2000 senesinden farqlı şekillerde çalışqan uzun tarihnen bir müessisedir. Tamam bunıñ içün o, avropa seviyesiniñ semereli ve tecribeli bir organıdır, dep oturışnıñ başlanğıcında İrına Vereşçuk qayd etti.

 

Memur, ukrain vatandaşları arasında halqara gumanitar uquq saaında bilgilerni tarqatmaq ve akademik mektepni quvetlendirmek kerekligini bildirdi.

 

Böylece, Tasil ve ilim nazirligine 293. “Halqara uquq” ihtisasınıñ yüksek tasil standartını tasdıqlav meselesini acelen baqmağa avale etildi. Bundan ğayrı – mektepte HGU esasları derslerini kirsetmege.

 

Oturışnıñ iştirakçikeri, yañı iş gruppaları teşkil etüv yolunen eyyetniñ yañı iş yönelişlerini kenişletmege destek ettiler. Şu cümleden, ayrı arbiy esirlernen tutuv meseleleri iş gruppası. Onıñ teşkil etilmesiniñ açıq aydın bir maqsadı olmalı – rusiyeniñ arbiy tecavuzınıñ qurbanları olğan arbiy esirlerniñ aqlarını qorçalamaq ve yañıdan doğurmaqtır.

 

Bundan ğayrı, oturışnıñ neticelerine köre iştirakçikeri, parlamentke kirsetilgen “Ukrainada halqara gumanitar uquqnıñ qaidelerini qullanuv ve riayet etüv aqqında” qanun leyhasını destek etmek azırlığını bildirdiler. Bu teşebbüs, Ukrainada HGUnıñ qaideler sistemasınıñ işlemesiniñ uquqiy ve teşkiliy esaslarını tesbit etecek.

 

Kelecekte Eyeytniñ otuışları muntazam tarzda keçirilecekler – ayda bir kere.

 

Vatandaşlar, halqara gumanitar uquq saasında aqlarnı qorçlav meselelerinen aşağıdaki müessiselerge hitap ete bilirler:

 

– ReNazirliginiñ sıcaq hattına 1548;

 

– Milliy malümat bürosınıñ sıcaq hattına 1648;

 

– Silâlı tecavuz neticesinde zarar körgen vatandaşlarnıñ aqlarını qorçalav departamentine: 044 355 14 56;

 

– ReNazirliginiñ elektron poçtasına: [email protected].