“Biz – Ukraina” telekanalınıñ canlı yayınında vitse baş nazir İrına Vereşçuk bunı bilirdi. O tafsilâtlıca añlattı ki, şu anda Prezidentniñ Ofisinen beraber keçici devir aqqında çerçive qanunı azırlana. Onıñ maqsadı – işğalden azat etilgen topraqlarnıñ reintegratsiya meselesini kompleksli tarzda idare etmektir.

Bundan ğayrı laf adalet, duşmannen işdeşlik yapqan insanlarnıñ mesüliyeti, lüstratsiya yañıdan yaratuv meseleleri aqqındadır. Bu qanun mallar, vesiqalar, makeme qararları ve başqa meselelerni idare etcek.

Birinciden Qırım, Donetsk ve Luhansk vilâyetleriniñ vaqtınca işğal etilgen topraqlarında keçici qanunlar qullanılacaqlar.

“Ükümet olaraq biz, işğalden azat etilgen topraqlarnı tüzleştirüv ve reintegratsita strategiyasını yerine ketiremiz. Endi şu anda biz, ne yapmaq kerekligini añlaymız. Ve topraqlarımıznı azat etken Silâlı Quvetler kibi çabik areket etecekmiz”, – dep memur qoştı.