Mahsus vaziyetlerde habersiz ğayıp olğan kişiler meseleleri vekili vazifesiniñ yaratılmasından bu anğa bir sene keçti.

 

Bugün “Ukraina media merkezi – Ukrinform”da Mahsus vaziyetlerde habersiz ğayıp olğan kişiler meseleleri vekili Oleh Kotenko, bir senelik işiniñ esas neticelerini añlatacaq.

 

Deñişmeler neticesinde ölgen qaramanlarnıñ eñ az 1,5 biñ bedeni muvafaqiyetnen qaytarıldı. İşğalden azat etilgen topraqlarda tahminen 500 yerde daa eñ az 1,5 biñ beden tapıldı.

 

Bundan ğayrı, bu sene boyunca tahminen 8 biñ habersiz ğayıp olğan kişiniñ bulunğanı yer tesbit etildi.

 

20 vilâyette Vekilniñ Ofisiniñ bölge vekillikleri teşkil etildi.

 

Azat etilgen topraqlarda 7 qıdırıcı gruppa çalışa.

 

“Bütün sene boyunca bizden kelgen er şey yapa edik. Amma eñ zor şeyler kelecektedir. Bütün bizim topraqlarımız azat etilecek anını bekleymiz. Bundan soñ uzun ve qıyın iş başlaycaq, amma bizim taqımız, quvetli müessiselerniñ qıdırıcılarınen beraber er bir zorluqlarğa azır”, – dep Mahsus vaziyetlerde habersiz ğayıp olğan kişiler meseleleri vekili Oleh Kotenko qayd etti.