Bu sefer işğalcilerden 17 yaşındaki Vyaçeslav qurtarıldı.

Oğlan, ana-babasız yaşay edi. Mariupolda oquy edi. İşğalciler onı Donetsk vilâyetindeki Şahtarskqa tahliye ettiler. Faqat küçlü ruhunen ve aqıllı oğlan, özü aqqında haber bere bildi. Bundan soñ göñülliler ve devlet organları çoq ğayret kösterdiler. Bugün ise Vyaçeslav Kıyivge keldi.

ReNazirligi, balanıñ qaytmasına qatılğan er keske açıq göñülden minnetdarılığını bildire. Şu cümleden, Ukraina Tış işleri nazirligine, Kıyiv şeeriniñ Desnânsıy rayonınıñ Balalar meseleleri hızmetine, vasiylik ve terbiyelev aile şekilleri bölüginiñ baş ihtisası Alina Doljenkoğa, “SOS Ukraina Bala Şeerçikleri” programma müdiri Darya Kasyanovskağa ve “Bala aqları içün ukrain ağı”na.

Hatırlatamız ki, vaqtınca işğal etilgen ya da rf topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13. Bundan ğayrı, Milliy malümat bürosınıñ sıcaq hattına telefon etmek mümkün: 16-48.