Bugünden ukrainalılar Diia qullanıp, aydayıcı vesiqasını deñiştirüv ve yañıdan aluv hızmetini ala bilirler, değ Raqam nazirligi haber berdi.

 

Sipariş vesiqalaşqan soñ İİNniñ servis merkezinde azır vesiqa almaq mümkün. Ya da plastik vesiqadan red etmek ve Ukrainanıñ toprağında qanuniy olğan raqamiy aydayıcı vesiqasını almaq mümkün.

 

Aydayıcınıñ anketa bilgileri deñişse, vesiqanıñ müddeti bitse ya da ciddiy tarzda bozulsa, deñişme protsedurası aktualdir.

 

Aydayıcı vesiqasını deñiştirmek ya da yañıdan almaq içün ariza bermek içün aşağıdaki bir qaç adiy adım yapmaq kerek:

 

• “Hızmetler” menüsine ketip, “Aydayıcı vesiqasını deñiştirmek”ke basmaq ya da raqamiy aydayıcıdaki kontekst menüsi işaretine basıp, “Aydayıcı vesiqasını deñiştirmek” saylamaq;

 

• vesiqanı deñiştirüv sebebini saylamaq;

 

• yaşayış yerini tasdıqlamaq ya da yazmaq;

 

• vesiqanıñ türüni saylamaq: raqamiy (E-vesiqa) ya da plastik + raqamiy (adiy format);

 

• plastik vesiqanı alacağıñız İİNniñ servis hızmetini saylamaq;

 

• alâqa malümatını tasdıqlamaq ya da yazmaq;

 

• ariza imzalamaq;

 

• hızmet ödemek.

Diqqat. Aydayıcı vesiqasını deñiştirmek ya da yañıdan almaq içün ariza bergen soñ 10 daqqa devamında hızmet içün ödemek kerek, aksine o aktualsiz olır.